اهلنه ماتلمهم كاع
لون اعيونهم غضبن
----
اهلنه من يصير الليل دلات
المضيف اعله الجمر ركصن
----
اهلنه الدله والديوان واهل
اجفوف للكلفات يتحزمن
----
اهلنه اخيولهم وكحه ودخيل
الله لون اخيولهم طفحن
----
اهلنه سيوفهم كشره وعمت
عينه اليكول اسيوفهم بكرابهن خمدن
----
اهلنه اشطوطهم
حلوه ودوم اعله الجز طكن
----
اهلنه العلمونه اطباع رش جرحك
ملح يفلان لو حسيت بعيونك ولك غمضن
----
اهلنه العلمونه اطباع ظل
وحدك لون اتشوف هامات الزلم طخن
----
احنه اهل الوطن وبزود
لوكلنه كظينه خيولنه ايهدن
----
ظل ابهل كلت والكال والتنظير
عار اعليك والاوطان ينهتكن
----
عيب عليك با ابوافلان
تنام الليل وبيوت السلف والجن
----
حسافه اليوم
دلات الزلم نكصن
----
حسافه اليوم بخت
ماي جن نيرانكم هفتن
----
حسافه اشعير زرعينه
وتالي ايام محصول البسس صبحن
----
ويا وكت النشامه
احلوكهم خرسن
----
يجرح الما الك جاره تظل تدي وتظل
ابظيم وشفاف الحزين ابيا وكت ضحكن
----
النجاشي كرم الطيار
من رجلينهم طبن
----
وحك الحك وعذروني لون ادري
اعيش الذله بلهجره اكص رجليه لو يمشن
----
من بعد الزناد وردفة الشاجور
جم حمله الجفوف اويه العده اشتبجن
----
ترضى اليوم يادكتور يا مهيوب
اجفوف اشرافنه ايجدن
----
نعيش الذله بلهجره
اظن اطباعكم يرظن
----
ظيم وقهر وي ذله
علينه ايامه انجمعن
----
بعد ذيج العشيره ولمت الخوان
صفيت انه غريب ابهل وكت واطحن
----
وسفه الجانو ايخافون زلم
صارو علينه وروسهم طلعن
----
كبل وين الزلم جانت من
رجفاتهم صدكني يخي نسوانهم طرحن
----
لون احجي ابمصايبنه
للملفوف بكماطه ولك يصفن
----
جم عيد اليمر بينه واحنه ابغربه
واباهات نحسب بلسنين احسابهن يكظن
----
جرح جرحين ميه انكول
الاف الجروح وداعتك كبرن
----
بسكم ترف يمعودين
وجروح الكلب يدن
----
بسكم نوم وانه ادري وحك
صدر العراق اظهوركم عجزن
----
بسك جذب يلتحجي ابقضيتي
اسنين اديك اليوم مثل الجاهل اتكمطن
----
اذا صاحب قضيه اتكول شد حيلك
واذا حيلك تظمه اليوم جاحيلك تريده المن
----
واذا طلكتم الدنيا وعشكتو الدين ذيج
الساعة كلنه انكوم واحدنه يكص رجليه لو وكفن
----
اذا بس جلمه تحجوها وطبع هذا وعمل ماكو بيارغكم
دسّـوها حظينه اليوم للجاهل لان وكفن
27/09/07, 07:00 pm
