شكثر عندي حزن يا من تضحكون...وكلب عدنا بسببكم جود معيوب
مو مثلي تون الخنسا ع الراح.....ولا مثلي بجى وناح يعقـــــــــوب
مامرني الفرح يوم وتهنيــــــــت..نصيبي انا الحزن وبكصتي مكتوب
مثل ام الغرق روحي على فرقاك...تبرى ويا الشرايع ظلت تلـــــوب
ومنو مثلي صبر اترهان انا ويا..انا الخليت صبري يصيح جن دوب
واذا ايوب فزعتله النبـــــوات......انا بغير النبوه وصرت ايــــــوب
المصايب لو لفت ما تدك باب....تطب غفله وتلجمك وانــت مصيوب
المصايب لو لفت توكع على اثنين...بجليل البخت اهي توكع والذنوب
شنو ذنب الشمع من تنذر الناس....اهي تحصل مراد وهـــــو اليذوب
وشنو ذنب اليحبك يسهر الليل.......اذا عندي قلب ما يقـــــبل يتوب
صح السيف انت وتجرح ادريك......لجن كله ودفنتك حدر الهدوب
وشتلتك عود ياس تعطر الايام....وكلت باجر يطك ويعطر الدروب
ولمن كبر عودك بينت زين........مو ياس اطلعت يا حيف خرنوب
ماغزر تعب ماهزك الشوق........خالي من الوفى ولا عندك الدوب
لجن حيل الذنب بيه وبعد حيل....شلون ابني قصر والساس مرطوب
.................................................. ........