علي الكعبي بصراوي جديد
عدد الرسائل : 2 العمر : 41 البلد : Iraq التقيم : 0 نقاط : 0 تاريخ التسجيل : 03/01/2008
| موضوع: أبوذيات روعة 04/01/08, 07:38 am | |
|
أنا صابر وانتظر واشوف وعداي أنا طحت ومرضت مرض أيوب وعداي أنا خبرك ياحبيبي درى بوعداي البقى ابراسك هواك العمل بيه
نحيل الجسم بودادك وداراك عجيبه الغيرك عني وداراك أحلف ما أصل بابك وداراك ولاقولن جنت صاحب إليه
من مثلي دمع عيني يهلهه سبب غالب على روحي يهلهه وعلي تحيولكم ميت يهلهه من تبدي ترد الروح اليه
الدمع نهران بخدودي كراهه حبيبي سلب من عيني كراهه ليش امحبتك صارت كراهه اشبده مني وتشمت اعداي بيه
أضعضع حيلي من فرقاك ونهار اوعليك ادموعي صبن مزن ونهار بعد ماعرف طعم الليل ونهار إتعمى عين الغفت بجفاك إليه
مدري لاتناشدني على احشاي بجيت وصب دمع عيني على حشاي تبعت الضعن وكفوفي على حشاي إشما مال الضعن روحي إتميل بيه
تهت محد من احباب علي شار ينجيني الذي شمسه علي شار حجيت المصلحه طلعت على شار رجيت الغانمه صارت رديه
اعذرني والوكت عنك لهاني بعزاك الزاد الي ابدا لهاني تفر من البدن روحي لهاني بسبب ماشالت التابوت هيه
ابنار الهجر يامهجه دموعاي على مصابي السمه يمطر دموعاي اشما هلن يدندوشه دموعاي حسناتج تبدل بالف سيه
قسيت اوياك يسمر عمي أنا أوعين الماتشوفك عمي أنا إذا خالك فزع لك عمي أنا تبرى أوضحك الوادم عليه
الرد
عايش اومختلي ابحالي وخالي وشوف اهواي بعيوني وخالي عمي دب علي جمره وخالي جاب امهفته وهفه عليه
نديم الروح ياحنين صبلها حنينه وشافت بعينك صبلها مقامات العشك حبك صبلها بقيثارة عواطف سومريه
غرابي فوك تلك الشجر ينعاب اخاف اهلك عليك وعلي ينعاب الجان اليس منه الجبد ينعاب ونه كلبي تسله بين اديه
روحي برشف خدك من عداها احب وصلك وهابك من عداها افراكك يوم احمله ، من عداها ازورك لو تصير احزاب اليه
تشوف اهمومي بعيونك وترها وتغيب وتكطع بروحي وترها يرهيك الوكت يسمر وترها وتصير انت ابو الراهي عليه
شالوا لا على مكصد وداعي ابليل ولا تنه الحادي وداعي يحكلي لنسف اذراعي وداعي بحك وخل تلوم الناس بيه
لون داءك عسير اليوم ولداك وكلنا ياطويل العمر ولداك وعلي الهز باب خيبر كبل والداك السلفه انت السمه واحنا الوطيه
رفضنا كل مذله احنا وبينه الشهامه انغرست بحينا وبينه انت خالنه وعمنه وبينه كف دمعك ولا تبدي الشجيه
اوحي لي تبتعد ويطول بعداك الحال اتصير حال الضيم بعداك حلو كل مرار العيش بعداك بيوم اتشمتو بجفاك اليه
همي من كثر يذبل وراها ونار الكلب ما يخمد وراها كل شده يهل وادم وراها فرج ، والفرج من رب البريه
الصديق اللي نشوفه نقي ونظيف نود كل يوم نبدي اعليه ونضيف علي طيبه نجمل طيب ونضيف بكثر معنى الحروف الابجديه
متى من ليل هجر اجفاك تنهال اشجره وسياط هجرك علي تنهال عزيزه دمعتي وبجفاك تنهال مثل هل السحاب اعلى الوطيه
انشدك من لهيب النار شكوه اعطشت ومن السراب امليت شكوه اشتكي عندك عليك بالف شكوه ولا كلبك سمعها وحن عليه
الكلب شاجر على ابن أمه وداوي تضعضع ونهدم ركنه وداوي لا مجروح حتى اكعد وداوي ولا غايب وكول يعود ليه
تهزهز يا كبر وانفض ترابيك وعزيز الروح هالنايم ترابيك اجاني العيد وعيوني ترابيك انهض لاتشمت اعداي بيه
علام الدهر شتتن وطرنا عكب ذاك الطرب بالهم وطرنا الف ياحيف مكضيته وطرنا ليالي اللي مضت متعود ليه
| |
|
احمد البصراوي
مدير منتديات شباب البصرة
عدد الرسائل : 1649 العمر : 36 البلد : البصرة الهوايه : مدمن نت العمل : طالب جامعي التقيم : 3 نقاط : 1000025 تاريخ التسجيل : 12/07/2007
| موضوع: رد: أبوذيات روعة 04/01/08, 10:47 am | |
| صدك روووووووعه مشكوووووووووووور اخوي
| |
|
وليد الديراوي مشرف قسم البرامج والستلايت
عدد الرسائل : 733 العمر : 43 البلد : Iraq الهوايه : الشبكات والحاسبات والستلايت العمل : IT التقيم : 0 نقاط : 4 تاريخ التسجيل : 19/08/2007
بطاقة الشخصية وسام التميز: 6
| موضوع: رد: أبوذيات روعة 05/01/08, 01:39 pm | |
| شكرا على هذا الموضوع الرائع يا علي الكعبي وننتظر جديدك وحياك الله بمنتديات شباب البصرة
| |
|
ايمن البصراوي عضو خيالي
عدد الرسائل : 949 العمر : 34 التقيم : 0 نقاط : 0 تاريخ التسجيل : 07/09/2007
بطاقة الشخصية وسام التميز: 3
| موضوع: رد: أبوذيات روعة 20/02/08, 07:45 pm | |
| عاشت ايدك على الابوذيات شكرااااااااااااااااااااااااا | |
|