ياترى ما الفرق بين الطلب العراقي و الامريكي

الجواب هنا

الفرق بين الطالب العراقي و الامريكي
الطالب الامريكي
من الصبح تدك الساعه الرقميه الموجوده في غرفة الشاب الامريكي ليستيقض مبكراً ويتوجه الى الحمام ليغسل وجههه ثم يفرّچ سنونه ويتوجه الى المطبخ ويضع قطعتي التوست المحمص فى ال(هاي المكينه اللي تحمي خبز ما ادري شسمهه ؟؟؟) المهم يذهب الى الحديقه الاماميه لينتظر الباص الاصفر مال مدرسه .
3454363

اما الشاب العراقي
يستيقظ على صوت الوالده الحنين(اكعد ولك الساعه 6:00) يذهب الى الحمام يجد الماء مجرش يتوجه الى السياره ان وجدت (عبالكم يصعد بيهه ويروح للمدرسه ........لا) يسحب بانزين حتى يشغل المولد يشبع بانزين تنسد نفسه وميتريّگ اذا رح يوفر عناء الريوگ عالاهل (ميشتهي ريّوگ غير؟) لعد شكو يجيب صمون وگيمر عرب ؟؟؟؟ ج/ حتى احسن. 564645

الطالب الامريكي ) يذهب الى المدرسه ليتوجه الى صف الطبيعيات (عبالك روضه ) يتناقش ويه المدرس ويخلص يروح لدرس التغذيه (المعلمه مالتهم خنفشاريه تخبللل) غير خلص الدوام يرجع بالباص للبيت يرتاح وبعدين يشغل الكاديلاك مالته ويطلع يفتر ..
890769

الطالب العراقي) يذهب الى المدرسه حاملاً التچّه اللي لاف بيهه الكتب يدخل الى اول درس الاستاذ خلصان عنده بس اربع سنون (اللي ممحظر يطلعلي هنا) ودائماً تصدف انه الطالب العراقي ممحظر (ينعلس) ثم تأتي الفرصه (يتعارك مع احد زملائه) 0009080

يأتي الدرس الثاني مدرس الفيزياء الحلقه الاخيره (كوم بابا مو كتلك جيب ولي امرك ..متحظر عندي اليوم ) ( ما احظر وشنو يعني درس رياضه صاير المتقطعه ) خلص الدوام( هوه مخلص بعده الدرس الرابع بس الطالب العراقي طفر من الحايط ) مابيهه شي يرجع للبيت يلكه امه حارگه التمن وتنطيه خمسميه يروح يجيب معجون توسان وبالصدفه يلكه الوالده مشغله الثلاجه عالمولد وگايم المحرك مال مولد (بهدووم المدرسه يكعد يفصخ ) وراهه يضرب هندر گول اشتغلت المولدة (اجه بابا) كالعاده يبوك السويج ويطلع يفتر بالصدفه البحته ونادراً ما تحدث نلكه سيطره بالشارع وگفوه ( السياره بسمك ) (اي أو لا المهم ياخذ الفين)
يفتر بالسياره ( اذا زوجي بس) يدور بنات يتحارش منا منا ذبلهه الرقم كالتله خابرني دگ رقمهه بسرعه (ان رصيد حسابك لا يكفي.....) (خرب انه ) يتوجه الى اقرب چنبر ليشتري كارت ابو العشره ويخلصه عليهه..

الطالب الامريكي) الساعه 8:00 يبوس بابا ويبوس ماما ويروح ينام وكذلك ثاني يوم.

5252

الطالب العراقي )يرجع بالليل يلگه البابا گالب الدنيه عالسياره يتعارك وياه والماما ممسويه عشه هم يتعارك وياهه ويروح يفتح نت ويكعد على المنتدى وتطفه الكهرباء يروح ينام وكذلك ثاني يوم .
وعلى هلرنه يوميه

هههههههههههههههههههه
شبيك اصلا حيات الطالب العراقي احلى لان الامريكي حياته روتينيه
يعني كل يوم نفس الشي بس العراقي يوم ماكو بانزين يوم ماكو كهرباء يوم ماكو غاز يوم ماكو ........ يعني كل يوم شكل ههههههههههههههههه

تسلملي ابو شهاب عالرد الحاو

مع هذا العراقي احسن من الامريكي

طبعآ يا حاتم طبعأ احسن

» هذا اني العراقي
» الى كل من يحب الشعر العراقي
» حاتم العراقي 2008
» مجموعه صور القيصر العراقي
» اخر انتقالات لاعبي المنتخب العراقي