اذا حلوه اريد رد.... تحياتي للجميع
هموم هواك ماخلن علي حال...
فريضه وحبك من ألله علي حال...
يالتنشد على حالي علي حال...
شيفيدألنشد عالصار بيه...
=========***=========
حبك صارألي بعضاي دوره
وحسافه عالزمان.الداردوره
أذا شكيت.هاك القلب دوره
اذابيه غيرحبك إزعل عليه
=========***========
الك حن الخلك يسمر ولك رد
وكلبي ماهوه الغيرك ولك راد
وتسوه اهل البصره والموصل ولكراد
وتسوه اهل المجر وناصريه
=========***=========
وحق عينك وحق جفنك ورمشاك
أضل طول العمر امشي وره مشاك
علتي بالكلب منك ورم شاك
يشفه الالم لو مريت بيه
===================
بايعت آنه علي وحبه بدمي سره
مجهول حب الوصي ماينعرف سره
يوم الغديرالخلك للبيعه وكفوا سره
نفتخر بأسمك نضل ياحيدر الدرة
=========***=========
دوم انشد عليك الراح والرد..
الوفه منك نبع والطيب ورد...
ردت منك جواب لهاي والرد...
ليش اعز الناس مايسأل عليه
=========***=========
جزع حد الصبر صبري بلاحد
وانا العايش بهجرانك بلا حد
يهل تذبح بسجينك بلا حد
حرام تعلعل بأيدك ضحيه
=========***=========
اريد انسج شراييني وسادة..
وحشم كل شهم منكم وسادة..
الحزن خيم على كلبي وسادة..
بسبب فركاك زاد الالم بيه.
=========***=========
الزمان اشكال لبنادم يراوي
اخذ مني قصص وأكتب ياراوي
انا الربيتهم طلعوا يراوي
كبرو واتعلمو عضات بيه
=========***=========
الك مخصوص هاليله وداعي
واطالب بالعشك منك وداعي
كمت من هجرك اتنخه وادعي
يكون تروح من غصبن عليه
=========***=========
أكتبلي شماردت تكتب وردلك..
أزعل وأبتعد وأمشي وردلك...
بساتين بوسط قلبي وردلك...
يابحرالأخوه الصافي نيه
=========***=========
علي طيفك بتالي ألليل هدهد
يمن حبك سحرني بعظم هدهد
من الزمك لاتكلي انوب هدهد
وحك ربك احضنك للمنية!؟
=========***=========
لاراهب عرف علتي ولاقس
ولاليلى بتلت مثلي ولاقيس
بعدمااحسب لزلاتك ولاقيس
راضي شمايريد يصير بيه
=========***=========
اعلن ياكلب حبك وشيعه
واتبع راي كل مخلص وشيعه
عيب حجاية السنة والشيعه
الوطن لاهل الوطن كلهم سويه
=========***=========
الحلو مو علارض يمشي على جلاي
نظرني وانخبط دلالي على جلاي
وضربني ضربت محمد علي كلاي
وفازبجولته الاولى عليه
=========***=========
احلفت مبجي على فراكك ولانوح
وبعدمااردد بأسمك ولانوح
يوسف ماابتلا مثلي ولانوح
ولايعقوب مر مثلي بأذيه
=========***=========
زماني وياي ماانصف بجيله
ولج ياعين بسج عاد بجيله
حبيبي شلون صوبني بجيله
زرف كلبي وكف شامت عليه
=========***=========
سلام وطيب يحبابي وصلنا
اوعسى ماينگطع منكم وصلنا
الهوى اليهب منكم وصلنا
اشمة وترد الروح ليه
=========***=========
اسهامك بالگلب صابن ولاحن
وگلبك مابچه لحالي ولاحن
لهلال العيد ماافرح ولاحن
افرح من تجي انته أليه
=========***=========
حبيبي العمر يركض من يتاني..
وانا العطشان منك مي أتاني..
تعال اليوم باچر ميت آني..
ولو باخر نفس تلحك عليه
=========***=========
اظل چم دوب امروتگول مرمر
ماچنت ادري گلبك صخر مرمر
صحيح الصبر طعم الصبر مرمر
لچن نجني الثمر بعد الاذيه
=========***=========
امل مابگــــــه عدنه راحه منه
وعمرنه بس متاعب راحه منه
الصبر ياصاح ارشف راحه منه
ولو طعم الصبر طعم المنيه
=========***=========
هوى نفسك لحب المال مالك
وعلى گيدي تصد بالنظر مالك
لا انته عليــــــك ايدوم مالك
ولاانه يظل گيــــــدي عليه
=========***=========
وحگ مكه ومنه والحجر والبيت
دليلي مادعاك ابيوم والبيــــت
بيدك خذت هرش الگلب والبيت
اگطعتهن والنواهي اگطعت بيه
=========***=========
اعله همي بالله ساعدني ولي عين
ابسيود احشاشتي جمرك ولي عين
الي دلال يـگطر دم ولي عين
تشوبح عالدرب تنتظر جيه
=========***=========
جرت بالدهر والامه ومره
وليالي امفارگك صعبه ومره
مره ابتعد عنــــك ومــره
يجرني الشوك من غصبن عليه
=========***=========
اعتمرنه ابكعبه الحب وانطفينه
ابودادك ما نطينه وانطفينه
اشتعلنه ابنار خدك وانطفينه
ابرضاب اشفافك المعسول ميه
10/09/07, 11:04 pm
