جرح انه وصرت بلغلط انسان
يلـــصـوتك ملح مشتاك اسمعه
دمعه ومن نهر فايض اجروح
صرت انه وطحت بخدودي دمعه
طبع بيك انته وفي اتغيرت ليش
تره صاحب طبع ماينسه طبعه
يخوي ارجوك محتاجك احاجيك
كصر حبل الموده ولا تكطعه
هيبه وبس اريدك يمي ناموس
لا مال وذهب ما ردت سلعه
ردت انه اسولف وافتخر بيك
واكولن هذا خُويه وانه ضلعه
ولَو انه اعتقد حته اسمي ناسي
يل اسمك بلكلب يوميه ازرعه
يمك شوفه اسمي ويه المكاتيب
جنت يامه الضلامك نار شمعه
كبل ؟ ماريد أذ َكرك تعرف الجان
وتعرف زين انته بجسمي قطعه
وهسه انته ضجت ..صدكني ادريك
لأن كلمن يسل عنك تمنعه
وانه طبعك اعرفه وتكره اعتاب
وهذا اخر عتاب وياك سمعه
اغلط مره اشوفك سلم شصار؟
تلكاني انتضر والحزن اشلعه
صحيح انت بعدت والبـُعد خـَوان
اقشمر نفسي بيك متاني رجعه
انتضر كلمة شلونك منك تسيل
واحضنهه بعيوني ايام سبعه
وافتح وانت هم تسولف وياي ؟
لا هذا حلم..والطيف خـُدعه
راح تسولف ادري واحجي وياك
ومثل مزنة مطر تنشف بسرعه
ما ريــدن مزن غركني بأيام
واسكيني بكرم واحسبني نبعه
اي مو دكيت صدرك يوم الوداع
وماينسه كلتلي الشجر جذعه
وهسه انه انتضر جا وين الوعود
حـِمل شوكك ثكل ردتك ترفعه
تفرح روحي بييه وانته وياي
ومن كلبي الالم بيدك تنزعه
__________________