قصـائد جميـله

موضوع: قصـائد جميـله 07/05/10, 10:49 am

((قصــائــد جـمـيـلـه))
أنتـاج:
>>أنـور بـري الـمـاجـدي<<
♥♥♥♥♥♥♥♥♥♥♥♥♥♥♥♥♥
( بصريه )
عرفتج من بياض الخد
عرفتج أنتي بصريه
رمش وعيون جتالة
وشفايف مو طبيعية
لاودي الناس مشاية
وأذا أهلج رضو بيه
اخطبج انا بالموصل
واسوي الحنه فاويه
اعزم بالعرس بغداد
والرمادي بفرد صينيه
ونصير امثوله للتاريخ
واكتب بالشوارع دعوه شعبيه
( أخر زمن )
كلشي بهالزمن ينشرى وينباع
عدا نبض الكلوب ودمعة العين
بفلوسك تحصل راحة البال
بس ماتنجمع بالمال كلبين
الحب يعني تذوب الروح بالروح الورد لا ما يورد إلا بالطين الذهب يلمع بريقه ويسحر الناس بس عمره الذهب مابكه العيون وحبيبك من يغيب عليك لحظات
عقلك ينتهي ويصيبك جنون
يصب دمعك على خدك مثل الأطفال وتظل اتناطر اليرحون ويجون نملك مال بس أغلى امن الأموال
حبايب ساعة الشده يوافون
رصيد الحب كبير وماخلص يوم
بس كلمة حبيبي إتعادل الكون
( باب العتاب )
أريد أفتح وياك باب العتاب وأكفر بالعشك لو كتلي سده...
تنام بلا مخده ويخلص الليل وآنه كلساع شابك هالمخده ...
صاير ماتحس كلش هالايام حيل أتغيرت بيك الموده ...
تجر كلبي وتجسه بطرف الرموش لاعين التشبكه ولاتهده ...
ورد كلمن يحبك وجنحه مكسور وأذا مكسور خاطر لاترده ...
أذا صدرك سفينه وخصرك أشراع كل الهوى بصدرك تصده ...
تذكر من أجيلك وكفل الباب من كد ما ألي تفتحه وتسده...
أنت هم بالعشك كاظيه خده ...
ياسباح الشواطي شكد ألك شوك شنهو الغيرك مو جنت ورده ...
حتى الناس كالت عني جذاب كلتلهم حلو خليدور حتى يبوس خده ...
ياجتال .. الشمس تحرك بالكلوب ومن يحترك يحترك جده ...
بجسمج شكد مسامات وسميتهن باسمج وحده وحده ...
بس مو آنه اللي خالقج ونفخت بيج الروح مو آنه اللي خالقج تدريني عبده ...
(كلهن سوى)
كالولي كلهن سوى
كلت البنات أشكال
بيهن البيض وسمر
بيهن إكصار أطوال
بيهن شعرهن سرح
بيهن التلبس شال
ولو كلهن اتشابهن
محد للآخر مال
كالولي كلهن سوى
ما يوفن المحبوب
كلت البشر مو سوى
ولا مو سوى الكلوب
كالولي حبهن ذنب
منهن ارتاح وتوب
كلت العشك لو ذنب
خلوني أزيد إذنوب
لو ما الحب بالعمر
ما خلق ربك ناس
ولا صار عدنه فرح
ولا صار عدنه احساس
العمر نفس العمر
لا نقص مره وزاد
ولو مابنات وعشك
هالعمر ما ينراد
( النساء )
الله لمن خلق آدم
كان بالجنه بنعيم
ومن خلق من بعده حوا
بدت ساعات الجحيم
وبسب تفاحه منها
ضاع دربه المستقيم
الذنوب البينه كلهن
سببهن من الحريم
هاي سمره وهاي بيضه
وهاي البحبها نهيم
الدنيا لوما النساء بيها
اتصير صعبه وكلها ظيم
اذنوب نتحمل لجلهن
بالجديد وبالقديم
النساء بالدنيا جنه
وبالممات الله كريم
> لن انساك <
لويقولون راينا البحر صحراء بلا قطره ماء..
او يقولون بان القمرلن يظهر بعد الان في حضن السماء..
او قالوا بأن الثلج غطى مساحات الأرض في خط الاستواء..
او بأن الناس لن تنجب بعد الان اولادا فأن الله قد صادر ارحام النساء..
او يقولون بان الطب قد وجد للموتى دواء..
ياحبيب العمر صدقهم اذا قالوا ولكن لو قالوا انني فرطت في حبك يوما لاتصدقهم وقل لهم هذا هراء..
انت قلبي ان فرطت في قلبي فما معنى البقاء..
انني في حبك سوف امنح الناس درسا في الوفاء..
انني لن انسى وأن شئت يوما فقلبي لن يشاء.
>> خاف تموت <<
على طولك اشعلني
وصيح بية الصوت
انه بطرك النفس
بين الحيا والموت
وسري ابنبض دمي
لشهكة الزردوم
حب تالي العمر
آحلى من البسكوت
واشايل حلاوة خوف الحديثات
ومحمل سحر
ضحكة بنات بيوت
يامايع ترافه
اتهيب من احويك
خاف صعب عليك
وخاف بيدي تموت
راج الثمر بالعود
وحمرعلى اشفافك
كبل وكت التوت
يمعود دخيلك
والكلب شيصير
من تكطع بتوته
منين اجيب ابتوت
(كابليني)
كابليني امكابل وخليني اشوفج
كبل ما درب العشك بجدامي أدوسه ولا تظنيني غشيم وجاي أحبج آني خريج الهوى وهاضم دروسه الخد شعاع اينور طولج خيزرانه والوجه ساحر وأحلى امن العروسه
كربي ايدج كربي خدج على خدي وخلي نكرب بعد ونسويها هوسه كلت ياربعي أنا محتاج حاجه وإجوا ربعي إجوا كل واحد إلي جايب فلوسه كلت ياهالناس مامحتاج كلشي آني من هذا الحلو محتاج بوسه
>>الشاعر نائل المظفر<<
باجر ننسعد بس يمته باجرهذا باجر يا وطن من يطلع المهدي تبقه إعله هذا الحال وايدك فوك خدك والجفن يدمع بيتك بس إسم مو أنت تحكم بيه وتخلي الغابه ضلمه وبابك مشرع واهلك ناكتك والناصبي الخطار وتريد تصير حاتم بينة تتبرع وجهالك كلب ضبيه إمسرد من الخوف وعيون الذئاب إعله الكلب تلمع وبناتك صم لحم وبلا غطه تخليه وجيرانك نمل من اعيونهم يطلع ونهارك بي لثك دم بنات إصغار لحمهن بالشوارع جمله يتوزع واذا فات العصر عينك تصب غروب واذا فات الهمر مية متر ترجع وتسكت ما تثور إتاني عبوة تثور وأخوك إباب بيتك لحمه يتكطع ويفتشون بختك وانت كلك عين وتصيح إباذانك وانت ما تفزع بعد شيسوي يطلع قابل إيدليك مقرأمريكي هذا وبيدك المدفع لويطلع يكلك هاي عيني وشوف لويسمع مكانك خاف ما تسمع لامامك ماثرت والقبة ذيج تراب وهسه تصيح لابنه تريده الك يفزع اذامو انامهدي وإنت مهدي تصير لويطلع المهدي المهدي مايطلع
>> جفوف البراري <<
يبو اجفون البراري البيهه صيد اصكورورموشك شلب وتضيع الخيال تيهت الحقيقه وصار عندي اشكال شعرك على متونك لو مشمر الشال عشكك مرض بيه وطار ويه الريح نشرته السوالف راح يعدي اجيال وجنك مدري شنهي اهواي ضاعن بيك
واظلم حاجبك لو كلت جنه اهلال وشلت شعرك لوحدي وهالخذاني الليل ظل باجر واجيب من الصبح عمال ياهو اليلومك لو تظل اليوم قانون العشاير والحرام انشال أنه ادياني الضماير والفتاوي البيض وافتيلك ابظلتك ماعليها اشكال وأنه اجبال الكرامه اعترف بس ذليت من شفت اعله صدرك ناضجات اتلال
ولسمعك شعر يسمر لاتظن مسموع واغنيلك قصيده ودارمي وموال ووشل الليل كله وياك واسكر بيك وانعل ابو ابليسك موش لعب اعيال
>> انه سويتك <<
ما معروف انت ومالك بدنياك
اي تاثير اني بأيدي سويتك
عودك رطب كان وسهل ايكسروه وارويتك بايدي وحيل شديتك سويتك جبل لا ما تهزه الريح وفوك الفوك يوم بيوم عليتك من شفتك فقير ومنكسر تعبان مديت اليك ايدي وحيل وديتك
ما حسبت انته بداخلك ثعبان
تلدغني بخفاء وغفل تاليتك
حسبتك اخو تنفعني يوم الضيج
ما تطلع نذل غدار تاليتك من دارت علي دنياي جيت عليك
شفتني تقربت سديت باب البيت
مو صوجك ابد صوجي اني سويتك قسمت اني قسم واني اللي سويتك بنفس الايد هذا اليوم هديتك واذا عندي اخو صدكني انا ناسيه ومن ذاكرتي هذا اليوم انه محيتك
حساف على الربا تنساه يا بذات تجازيني بغدر وبطيب جازيتك
>> اعتزلت الغرام <<
بعد ماحب أبد ما اهوى انسان
ولا حتى اختلط ويه اليحبون
جربت العشگ مره آنه وبچيت
خلصت الدمع وبچيت العيون
حبيته صدگك حب منوجد بالناس وما جرب بشر حبي وعشگ بجنون آنه اللي چنت يتمنى يحچي وياي واول ما حچه وبعد الأحبك گال بس انته الوحيد البيك مفتون تالي بليلة ظلمة عافني وراح وبقيت ويه روحي صدگك مجنون تاليهه عرفت احسن الي وارتاح اطلگ هالعشگ وانسه اليعشگون بس وسفه خسرت عينين بالراح شنهو الفايدة ؟؟ وشيرد العيون ؟؟
( البنات )
لا تكولون الذنب ذنب البنات
وبالهوى تكولون ماعدهن وفه كلوبهن ترفه ورقيقات النساء
الله خالقهن حنان وعاطفه ألف هنياله اليحب طيبة صفات وألف هنياله العلى اديها غفه
رقه واحساس ووفه وطيبة صفات وابد آدم ما حمل هاي الصفه على كيفك وي قوارير الزجاج ولا تخليها بمهب العاصفه تدري شيحس الكلب لوهن يوم ايمرن اكبالك طيور امزلفه وتدري عينك تفرح وبيهن تشوف لوحه من ربك جميله إمزخرفه إبهيده وي حواء مو ذني البنات اجفوفهن لجروحنه بيها الشفه انت يلي اتكول باعتني برخيص انت مو كد الهوى ولا تعرفه الغزال ارهيف وبسرعه يطيح من تتعبه وفوك حمله اتكلفه الذنب ذنبك انت للفركه إعتنيت وكان كلب الحلوه بيدك واختفه هي كانت كمر وبدربك ينور وانت خليت الكمر بيدك طفه وانت يلي تكول عافتني حرام
إسألت روحك ليش لمن عافتك
جان ما بعدت ولا عنك تروح كونك اتحبها مثك ما حبتك اذكر العشره وبدايتها الدموع
واذكر اجفوف اللي مسحت دمعتك لا تشهر الحبايب بالكلام
واذكر اشواكك واذكر لهفتك احفظ السانك تره باجر تعود
الصحبه حوبه ولا تضيع صحبتك خلي خط رجعه ولا تبغض عزيز ايعود للروح العشك مهما اختفه لا تكولون الذنب ذنب البنات وبالهوى تكولون ماعدهن وفه إتزعل الحلوه الرقيقه بلا ذنوب وتنتظر منها تجيك وتعتنيك
من يكول اللهفه متمر بيها يوم ومن يكول الحلوه ماتشتاك ليك الحبيبه الكنت تشتمها ورود لا تخليها ألم تصبح عليك إشتريها بكلمه واصدق بالكلام اتضحي إلك بالدنيا كلها وتشتريك المهره يهل الهوى من خيالها وما تدنك للضعيف اكبالها الخسرها يكول خانتني وبقيت والربح شاطر ويشغل بالها طيور جنه وتمشي علكاع البنات واليزعلهن قليل المعرفه هن إلنه واحنه إلهن للممات ابغير عشه الطير مانام وغفه لا تكولون الذنب ذنب البنات وبالهوى تكولون ماعدهن وفه كلوبهن طيبه ورقيقات النساء الله خالقهن حنان وعاطفه
>> درب العشك <<
لوطال بيه الدرب أفرش سنين دروب لوطال بيه الصبر أصبرصبر أيوب مكتوب حبك بالكلب حبك قدر مكتوب تبت أني من كل ذنب ومن العشق مااتوب ان كان حبك ذنب خلي اشيل ذنوب كالو وصلك صعب كلت الصعب مرغوب
> قصيده <
احبك بكد بغداد وحلواته احبك بطول هاي رساله وسنتاته أحبك بكد السما ونجماته احبك بكد الكاع وحصواته احبك بكد البحر وسمجاته احبك بكدكاظم وحفلاته احبك بكد رونالدو ولعباته احبك بكد حجي متولي وزوجاته احبك بكد العاشك وصفناته احبك بكد الدستور وفقراته احبك بكد عادل امام وظحكاته احبك بكد اليتيم ودمعاته
إعلان
فقد وطن أخضر اللون يدعى "وادي الرافدين"يرتدي مليون نخلة وأهوار بحجم معاناته عمره عشرة آلاف سنة يتجول في أزقته الموت كان ملاذآ للخائفين وأصبح خوفآ للامنين تزين أرصفته دماء أطفاله الابرياء الذاهبين الى المدرسة ليتعلموا كيف تكتب كلمة وطن فعلى من يعثرعليه أن يصلي من أجله ويضمد جراحه... أللهم إحفظه وأهله الطيبين(آمين)
>> ابتعد <<
كل ضني ابتعدوانساك لحضات
يجاوبني الكلب ويكلي هيهات
لا ما كادر انساك عمر كضيته وياك ويخاصمني الكلب لوما ذكرتك ويحن كل لحظه يالغالي لعشرتك وجرحكم بيه ماطاب حرام انعيش اغراب
حبيبي العين ماتحمل غيابك
احس كل الارض بالغربه بابك
تعاك وكافي هجران عليمن ليش زعلان
>> سنه <<
سنه وبعد السنه توازيت شك كلبي الحنين وضاكت الوسعة
صغت روحي اعله دربك شمعة هاي سنين وردت جيتك كبل لاتنطفي الشمعة
كدامك ذبت واحترك خيط ضواي
وكطعني الصبر قطعه بأثر قطعه
تأمني رماد بين ادين الريح
وهسه اتريد مني الجفك ايرجعه
انه دمعه وطحت والكاع نهران
وشيلكه اليدور بالنهر دمعه
>>أنـور بـري الـمـاجــدي<<
((07703111269))
>> أجت مستحيه <<
أجت مستحيه من عندك تدك على الباب وعلى الخدين سالت دمعه مذبوحه وصلت باب دارك وأعثرت بالباب كد ماتعبته الجيه والروحه غريبه وعدها صعبه هواي طبت الدار وكبل جانت كبل بس ألهه مسموحه
أجت صاحت بأسمك من ورا الحيطان بكلب مكسور يشبه كسرة اللوحه حبيبي بداعتي مر على الكلب خطار وبسجين عينك شكك جروحه العالم تذبح الدمعه بظريح امام وآنه بحظرتك دمعاتي مذبوحه
حبيبي الباع روحه ويشتريك يريد تمر لو بالجذب وتشاركه بنوحه آنه الجنت أجيك بظحكه من إبعيد أجيت بطرك دمعه وروحي مذبوحه أجيتك وأعتذر وأعتب عليك هواي وأريد أرجع لبيتي ذنوبي ممسوحه من دونك بلا فرحه وكصيره الايد وأشوف الفرح يمي وأيدي متلوحه حبيبي بعيني أشوفك جاهل زغيرون تمرجح وآنه كلبي يصير مرجوحه حبيبي أقسم قسم وأحلف كلام الله اليخونك حبيبي يقشمر بروحه
>> لا تخدعك <<
لاتخدعك ضحكه بالوجه الصبوح ولايغروك بسلام من البعد غربه تفرحلك أذا تشوفك جبير وإلك أقرب ناس كاتلها الحسد أحذر اليمسح جتافك من يجيك وأحذر الصحبه الكثر بيها العددالناس مو كلمن ضحكلك بي أمان وذاك من ذاك اليوافيلك وعديصح قريب مرافكك لكن حقود ويصح بعيد يصيرلك عون وسند أحذرحجايات من طرف اللسان ناعمه وبيها الطعم مثل الشهدهاي دنياتغيرت بيها الوجوه والضباع إلتفت بجلد الأسد الحميته من الشمس بأثنين أيديك ممكن يعوفك الوحدك بالبرد مو عجيبه يخونك المنك وبيك ويملي دربك شوك ويشوفك ورد هاي دنياومانفع بيها الكلام والله يدري شبيها يتغير بعد اللي على جتافك صعد من يسألوه يبتسم ويكول من جد وجد والتعلمه الحجي وكل معنى ألاصول بظهرك يذم بيك ويطعنك عمد والتعلمه يصيب عدوانه سهام أنت كبل أعداك صوبلك أسد ضاعت الدنيا ضاعت الصحبه وعلى الصحبه السلام والزمان الراح لتصدك يرد صدك كال اليبجي أمشي وراه ولاتمشي ويه المضحك أبد أبد
> انا الوحيد <
انا الوحيد الوكت فرني ولعب بيه من يوم انا صرت ولحاله مرديه اتاذيت وتحملت وكلت الدنيا مكظيه وتاليه طال العمر وسنينه تعت بيه ظيم وحزن وقهر وتفكير ليليه وحدي ولاني الوكت وخوان ماليه جاوينه احزام الظهر واليكسر علي فيه احزام بردي الزامطو ابد أوما صفتله اوياي نيه اصبر وسلي الكلب وانا النار بيه مليت من العمر ياموت اتجه ليه عمري وكظيته قهر ومني الروح مسبيه أسد الدمع ايهيظ الجرح بجلاي شداوي والوكت مفتر عليه ونا اطيابي على هلناس والله اتعدت الميه على كل واحد مصفط افظال ولامنهم شهم رد الفظل ليه اثاري الفظل على هلناس مثل الطلقه مرميه ما أدر تطيح ابماي واله بكاع منسيه ولا اخو الينفع بعد ويحسب خوته منيه غير الله ابد ياكلب صدكني ماليه دولاب هذا الوكت كل ساعه يفر بيه اعاتب عل زمن ليش كل هاذا أيصير بيه
>> ولا جني <<
اعز من روحي احسك وانت اعزمني
ياحسبة عمرخاويتهامن اصباي
بطلت صفنتي ومابطلت مني
احس كلبي الفضي متعوب حد الويل وادعيله الصبر عن لا يفشلني جسيت الليالي ابمرود الحلوات وسنين العمربالشيب جسني اضحك للبجوا حدشرهة المنكود وابجي ابكل مزنتي والطور المغني ولاغرني المدح بشفاف المحبين ولاهم ابشماته اشماحجواعني يلمن عليه امشيات البال وانفضهن نفض وانهضن ولاجني
وليت وعف ضميري وماكسرت العود
ولسن شبه الزلم بالعن سبني
وكفاني امرح ورع والذبح بالناس
وعلامات الكبح مايوم خاوني
ولازحت الحيا ولاضيعت معروف
ولاخنت الوفه وربعي اجفلومني
اضحك بالوجه ابغير راحة بال
واصبرلوليالي العسرضكني
واكابرعالشدايد حدمصب العين
واسكت لودثومن الناس لاسني
واسامح لوحوافي الزعل وازني
وينشدني صديجي المانشدعني
كبل طبعك الونه وصاير اتغني
كبل عينك محطه وخاطرك مكسور
هسه اعله الثكاله تفوت متحني واجيبه بكل برود وعودتي ابسني
استراحت مسحاتي وعاكسني الريح
لاني من الهموم ولاالهم مني
اناابن العصيات من الليالي السود
لاريد الكماري ولهن يردني
ارضعتني امي ابدمعها من عرفت الصوت
وغطتني بحزنها من مشت عني
خذت روحي اعله ضيمي وماشكيت الحال
علمت البعض نكل الجدم عالكاع
واول مامشن بالزلك ذبني
اكول اتغيرت الناس ماهي الناس
رضاعة قواطي وخيبوا ظني
>> الفقر <<
الفقر جراد ياكل ثمرة الناس
معروف الفقير تعرفه من بوزه
كفر بالقيم ابني من طلب موز
انطيته طرح واقتنع بيه موزه
ماي وتراب وضمير وفص ملح
ضيف مايك علتراب وخل ضميرك بين اديك وذب عليه فص الملح
والتفاعل يجري من كيفه اعتيادي وراح يتكون صبح
يمسح ادموع اليتامه ويجبر المكسور جرحه وينعرف ليل الخسارة من الربح
والنتيجة لو نحصل حامض النتريك ونحفظه بقناني
لو ملحنا يصير شارة يعثر البايع ضميره وينفضح
>> ذكرتك <<
جالس انه لحالي_هزني الشوق وذكرتك
يعني معقوله يغالي_كل هذا وماوحشتك
غيبتك طالت ليالي_ياعسى خير وعذرتك
خوفي وكل انشغالي_دون مااقصد جرحتك
>> وفه <<
ياشهكة وفه وضحكة بحلك بطران
حاير شرد اوصفك مدري اشجنك
من كد مارسمتك على وجوه الناس حتينه اعله وجهك كمت ارسمنك.
>> مانسيتك <<
تظل بالروح الك ذكرى ويظل اسمك على لساني ولون هجرك يصير سنين مااظن يوم تنساني وطبع الي يحب يهوى ما يهوى ابد ثاني احبك ياحبيبي هواي تالي تريد تنساني يا ولفي لعشرة ماتنعاد ليش تريد هجراني تعال وكول كلشي مثل ماتريد تلكاني تعال وشوف بية جروح وجرحك ياحبيبي شكثر اذاني
>>أنـور بـري الـمـاجـدي<< ((07703111269))
(للأب)
كنه إزغار نكعد وكت الغروب إباب الدار ننطر جية أبونه يرجع مبتسم بس وجهه متعوب
ومن إيشوفنه يضحكن عيونه
يجي إمحمل أبونه أشكال وألوان وتظل إتلوم بيه أمنه الحنونه تعبك هذا تعبك لايابو فلان تتعب والجهال ايضيعونه
لكن يبتسم ودموعه بالعين ويكل لمي التعب يستاهلونه
هذوله احزام ظهري بساعة الضيج وإلج بالشده يام فلان عونه أبونه على جتافه إزغار وكبارلعبنه اسنين ما تعبن إمتونه يلبسنه حرير وهو محروم وقميصه إمن التعب مكلوب لونه واذكر لو لعبنه الوالده إتصيح أبوكم نايم ولتفززونه الحد هاليوم صدك منك انخاف ونجل اسمك يوالدنه ونصونه ياهنياله اليسعدك واليراضيك ابرضاك الجنه ندخلها يبونه أبونه إبدنيته ما يوم مرتاح الدينا اوياه صعبه وما يملها تعب جاع وعطش مادنك الراس ولارخص ركبته ومره ذلها أصلب رجل بينه إبمحنته ايصير وكل صعبه التمر بيده يحلها بس أضعف رجل بالعائله يصير اذا أمي المرض مره وصلهاأمي اشكد تحبه اشكد تداريه إمدللها الكبير وهو خلها
بس لو غضب مره ولمي إندار ترجف خوف من ايباوع الها أبونه امن المصايب يحمل اشكال ولا يحمل عتب أمي وزعلها عنده المهم يتعب واحنه نرتاح وأبد منية أحد ما حملها علمنه الولد عون أهله بالضيج ومحبة أهلك تره اتموت الأجلها وجيرانك أعز من أختك اتصير وأغلى من نظر عينك خجلها يرجع ظهره منحني وجدامه تعبان وتتلكاه أمي ويضحك إلها وكبل ما توصله وتسلم إعليه لله ايساعدج هو يكله رقيق وكلبه دافي وطبعه محبوب ابونه ايغرك العالم حنانه مايرتاح كلبه وعينه متنام اذا ما نام كل واحد مكانه واذا لحظه انتأخر خارج البيت يقلق والدي ويطلع ورانه وتلومه الوالده وتريده يرتاح ويكلها ابركبتي ذوله أمانه تجي لحظات يصبح قاسي الاطباع وندري القسوه من حرصه علينه دنيانه بحر واحنه ابوسط روج سفينه وهو ربان السفينه يعاقبنه اعله غلطه ويقسي مرات ولا جنه ابو الروح الحنينه وبعد لحظات لو منه الزعل راح يجي ندمان ويبوس بدينه الله موصي بيه بأقدس إكتاب
بالقرآن وأمي اوياه جعلها
يا رضا الله ورضا الوالدين
وميزات الأبو عونه الحملها
تقي ويخاف ربه بيوم الاحساب
ويحمده على اللكمه الأكلها
إحتضن أمه وأبوه إسنين وسنين وجفوفه شمع ضواها كلها نظل نعلك العشره الوالدي إشموع مثل ما لهله كل عمره شعلها

(إشكد أحبك)
لو تدري بي اشكد أحبك
جان احمدت وشكرت ربك
كل عمري مغلوب آني وياك
لا عندي غش ولا إمتعبك
ولو كنت إمثل واكذب اوياك
صدكني ابلحظات أغلبك
عايف دروب الناس كلها ومغمض آني امشي علىدربك
حس بي واعرف حالتي اشلون
وشوف اشلعب بالكلب حبك
تتندم وعمرك تره ايضيع
لو يوم تنطي لغيري كلبك
موخوفي بس اخسرك وتروح
خايف تحب غيري ويعذبك
وباخر نفس لو كالوا اطلب
بس انته من الله اطلبك
(كون يمك)
كون يمك_ الف هنياله الكعد بس لحظة يمك
كون يمك_كون احضنك كون ابوسك كون اشمك
كون احط راسي اعله صدرك كون اضمك
الله لاينطيه كلمن راد يحرمني ويحرمك
كون يمك_آني احبك وآني احب كل حرف بسمك
وآني احس يجرن سوى دمي اويه دمك
آني التمنيت ابوسك وآني التمنيت اشمك
وآني التمنيت احط خدي اعله خدك
بلكي خدي ايزيح همك
كون يمك
( رحلة حب )
من الصعب أن تحب من سيعيش لغيرك ويرحل عنك كالشمس وقت الغروب... ليتركك وحيدا في ظلمة ليل دائم بلا قمر..
الشمس تعود من جديد لكن من تحب أبدا لا يعود ..
فأحبب شمسك وأغمض عينيك وأحلم بأن النور لقلبك سوف يعود ..
(حانت اللحظات)
أخيرا" حانت اللحظات واقبلتي
وكبل ياماعلي اشكدثكل بعتي
أتانيج بطريقج بلكت اتمرين
ومتقصده طريقج ذاك غيرتي
هسه اشبدلج سبحان رب الكون
بس كربت يمج بالشبك طحتي
يمكن بعتي نفس الحجي الهذا
وذاك ويمكن غيري ناس اهوايه جربتي ومومنج فضل لوردتي اترجعين تره آني الغالب وانتي اخسرتي
واعلمج عالعشك لوردتي إتحبين بس متواضع آني وهاي مشكلتي وإذا صارت إمعاند عالهوى والشوك
تره آني الاستاذ وانتي طالبتي
(عتاب)
ظل عاتب الى ان تشبع اعتاب
عتابك فوك راسي ويبقى مسموع سكتنه وبطلت كل المواضيع عدا حبك حبيبي اشعدنه موضوع اذا هذا انت يمي ودمعتي اتسيل اشلون أكدر أفارك وجهك اسبوع
وظل باوع عليه إمن الجدم للراس وشوف ابيا جزء مني انت مزروع واحزرلي مكانك وين ما وين بهداب الجفن لو بين الادموع مكانك لابهاي ولاهو بهاي مكانك ياحبيبي بنص الاضلوع
♥♥♥♥♥♥♥♥♥♥♥♥♥♥♥♥♥♥♥
تحياتـي:
>>أنـور بـري الـمـاجـدي<<
(جميع الحقوق محفوظـه)
[/size]

موضوع: رد: قصـائد جميـله 08/01/11, 07:54 am

[color=red][b]شكرا لجهودك المميزة أخي أنور
أشعار جميله ورائعه
عاشت الايادي[/b][/color]