اصبر ياعراق

اجيتك متعني اريد اشكيلك
اجيتك والحزن بقلبي اريد
اطيحن انه ع أيـــــــــــدك
اجيتك وعيوني محتاره
يلكت انه منك الك الكه
جــــــــــــــــــــــــاره
واخلص انه من غربتي
ومن الليل واسهاره
جيتك والدمعه بعيوني
وكل لحظه ابتعد عنك
وياك تظل روحي

عندي ياوطن وياك
اعتــــــــــــــــــــاب
مايتحمله صدري
ترا انه بعدك حبيبي
هنـــــــــــــــــــــاك
انه انكسر ظهري

اشمالك طحـــــــت
وانت الي جانت
ذراعك ماتلوي
وشمالك الناس تشرد
منــــــــــــــــــــك
وانت الي جان بيك
الخايـــــــــف يأتوي
وشمالك ما تنام الليل
وشفايفك من دموعك
تـــــــــــرتوي
عتابي وياك ياوطن
طويل والحجي هوايه
وسنين العمر خلصن
وانه انطر تصير زين
واجيلك انه مشايه

لا تظن ياوطن انه فد
يوم انســـــــــــــــاك
انت نبض القلب والروح
ومااعيش انه بلياكـــــــ
ولا فد يوم تظن انه اكرهك
انت حبيبي وبروحي اظمك

وادري انه بغربتي
ومااكدر اوصـــــــــلك
بس تظل انت دومك
ببالي ولساني ماينطق
الا اسمكــــــــــــــــــ

ياعراق اشلون يلتمون
عليك من كل زويه
ومايردون الخير لك
بس الاذيــــــــــــــــه
ياعراق اذا انت طحت
متكلي ياهو اليه

مشتاق لزاخو والفاو
وديالى والرمادي
والنجف ياعلي
ياكرار اشوكد انه
من غربتي اخلص
وينتهي الضيم ومااظل
محتــــــــــــــــــار
ولكربلا مشتاق اشم
تراب العبـــــــــــاس
واشوف انه مقامك ياحسين
ومشتاق انه للكوفه
وحبها ابد مااعوفه
ومشتاق انه للبصره
والناصريه والحله
والكوت وسامرا وموصل
كلها موجود حبهم بصدري
ومشتاق وتعبني شوكي الج
يابـــــــــــــــــــــغـــــــداد
اريد اشوفج انه واحجي لج
اشسوى بي الابعــــــــــاد

ياوطن زمانك وياك اغبر
اخذ منك فرحتك ومانطاك
بس الاذيـــــــــــــــــــــــه
اصبر ياوطن اصبر ياعراق
صدكني كلها تعدي وتنسي
وتبقى انت الوطـــــــــــن
الي حبه بوسط القلب ماينسي

اصبر ياعراق ترا الله موجود
وان شاء ماينساك وانت النا
تعــــــــــــــــــــــــــــــــــود
...............................

مشكوووور قصيده روعه

تسلم اناملك سيدي ............قصيدتك رووووووووووووووووعة ....

شكرا على الردود

مشكور حبيبي على الكلمات الروعه...........

كلـــــماتك أسرتنــــــــي حـــتى قــــيدتني
ولم أتـــــمكن بل إني و اقــفة عاجزة عــــن شكرك وامتــــــــنانك
كـل الأحترام والتـــــقدير لك
ولقلمك الرائع

شكرا على الردود

شكرا على الردود