قصيدة للشاعر صباح الهلالي...

[ قصيدة للشاعر صباح الهلالي أترككم معها التي فازت بلقب أجمل قصيدة


هسه شبينة ليش ؟ وشختلف بالناس ؟ ... إذا يلتفت ضيفك ينوكل نصه

اهلنا البيت واحد شو صفوا ضدين؟ ... ملة تلوم ملة و بالكلب غصة

اركض طاح اخوك بظهرة حط سجين .. لا غيرك يذبحة تفوتك الفرصة!

طم هور الجبايش و انفي كردستان ... و بكلب الرمادي خنجرك رصة

اختلفنا احنة بعلي و بعمر و بعثمان ... و لو يدري محمد بينا ما وصة

المحتل اطلعة بس حط ايديك وياي ... يا محتل طلع بالهوسة و الخبصة؟

آنة شردت منك غير ننسى الراح؟ ... و طرفك ع الزعل بيناتنا تغضة

انفطمنة على البنادق و انت تعرف زين ... الشُعيرة بلا نفع لو زعلت الفرضة

آنة و ياك سيف و نذبح الجلاد ... و اذا تعجز ايدينة بلوزتة نعضة

جا شنهي عليمن ليش مختلفين؟؟ ... انا شنهو القبلتة و انت الترفضة؟

انا غركان يمك آني اخو عثمان ... اللي بجسر الائمة ما صفن لحظة

شاف الايد وحدة و ناس ضكها الماي ... و على كد الجفوف الطاحت تشظى

أنا دجلة الخير الما نست عطشان ... و اخوي انت الفرات و ترضى ما ترضى